Елордада 2017 жылы өтетін ЭКСПО халықаралық көр­месінің дайындығы мен мән-маңызын талдауға арналған жаңа журнал жарық көрді. 

Елордада 2017 жылы өтетін ЭКСПО халықаралық көр­месінің дайындығы мен мән-маңызын талдауға арналған жаңа журнал жарық көрді. Жаңалықтың ерекшелігі сол, тың бастаманы мем­лекеттік Ұйымдастыру комиссиясы емес, қазақ журналистерінен құралған жеке шығармашылық топ көтеріп отыр. Бұған дейін бас қаладан «Халық сөзі» га­зетін шығарып келген әріптестеріміз енді редакция жанынан өз қаржыларына «EXPO – 2017 astana» атты жаңа басылым­ның алғашқы санын шығарып, оқырмандарына таратып та үлгерді.

Қуанышын көпшілікпен бөлісуді ойлаған журналистер тобы кеше Астанадағы Ұлттық академиялық кітапханада бас­пасөз мәс­лихатын өткізіп, ой пікірлерімен бөлісті. Жур­нал­дың Бас ре­дак­торы Қуат Әуесбай, Бас редакторлар клубы­ның президенті Кен­жеболат Жолдыбай бастаған ұйым­дастыру тобының айтуынша, әзірге қазақ тілінде дайын­далған 36-беттік басылымға алда орыс және ағылшын тіліндегі мақалалар да қосылады.

– ЭКСПО халықаралық көрмесі шын мәнінде, еліміздің атын әлемге жаңа қырынан танытатын тосын қадам болады. Алайда қоғамымызда осынау маңызды шарадан мүлде хабарсыз адамдар да көп. «Ол не, олимпиада ма?» деп сұ­рай­тындарды да кездестіріп жүрміз. Қазақ мемлекеті ғаламдық көрмені жоғары деңгейде өт­кізуге бар күш-жігерімен кірісіп жатқанда, үнсіз немесе қалыс қал­май өз үлесімізді де қосуды жөн санап, жаңа журналдың тұ­сауын кестік. Әзірге 1000 таралыммен таралдық. Енді көрмені ұйымдастыру жөніндегі комиссия жетекшілері игілікті баста­-маны көріп, өз тарап­тарынан қолдауға келісіп отыр – дейді, Қ.Әуесбай.

Журналдың алғашқы санында ЭКСПО-ның басталу тарихы, кеңестік кезеңде Қазақстанның тұңғыш рет қа­тысып, ұсынған өнімдері шетелдіктердің тарапынан жоғары бағалануы турасында қызықты мағлұматтар жарияланған. Сонымен бірге төрт жылдан кейінгі шараны өткізудің ал­ғышарттары, дайындық барысы жайын да да тұщымды деректер бар.

http://www.aikyn.kz/news/view/22994